Fréttasafn

Fimmtudaginn 4.október kl.18 verður kynningarfundur fyrir foreldra barna í Krikaskóla. Fundurinn hefst í matsalnum kl 18.00. Þá verður stutt kynning á hugmyndafræði skólans og öðrum þáttum sem varða skólastarfið í heild. Eftir það bjóða deildastjórar og umsjónarkennarar foreldrum til kynningar á hverju hreiðri fyrir sig þar sem þeir kynna starf vetrarins. Til að sjá dagskránna þarf að ýta á lesa meira.

Frístundaakstur á milli Krikaskóla og Lágafellsskóla hefst næstkomandi mánudag, 24.september. Aksturinn er vegna samstarfs frístundar og Aftureldingar. Börn sem sækja íþróttaæfingar eftir skóla geta nýtt sér þessar ferðir. Bíllinn stoppar við íþróttahús Varmárskóla á leið sinni í Lágafellsskóla. Aksturstímana má sjá hér.

Dagana 16. – 22. september mun Mosfellsbær taka þátt í Evrópsku Samgönguvikunni, European Mobility Week, en yfirskriftin í ár er „á réttri leið“. Tilgangur samgönguvikunnar er að vekja athygli á vistvænum samgöngum og hvetja almenning til að nýta sér almenningssamgöngur, hjólreiðar og aðra vistvæna fararkosti.

Í vetur er börnum í 3.- 4. árgangi boðið að taka þátt í leshring. Um er að ræða 50 mínútur í stað útivistar á föstudögum. Börnin skrá sig í hópinn og eru skuldbundin til að mæta en geta að sjálfsögðu skráð sig úr hópnum. Tíminn er vinsæll bæði meðal stúlkna og drengja og allir leggja sig fram við lesturinn. Í framhaldi stendur til að bjóða börnum í 1.- 2. árgangi sem treysta sér í nokkuð krefjandi lestur.

Næsta föstudag þann 14.september verður starfsmannafundur kl.14 í Krikaskóla. Börnin þurfa að vera sótt fyrir þann tíma.

Fimmtudaginn 13. september mun Ólína ljósmyndari frá myndo.is koma í Krikaskóla og taka myndir af börnunum. Hún mun taka hópmyndir og einstaklingsmyndir. Ef veður leyfir mun hópamyndtakan vera tekin utandyra en einstaklingsmyndir innandyra og stefnt er að því að myndatökur hefjast uppúr kl. 9.

Átta og níu ára börn byrjuðu í þemanáminu sínu í vikunni. Fyrsta þemaverkefnið nefnist „Í þá gömlu góðu daga“. Af því tilefni fórum börnin með kennurum sínum á Árbæjarsafn í gær. Starfsmaður á safninu tók á móti börnunum og gekk með þeim um safnið. Hann fræddi þau um stóra brunann í Reykjavík 1915. Einnig fræddi hann þau um gamlar byggingar og muni. Börnin skemmtu sér vel og voru mjög áhugsöm að kynna sér hvernig lífið gekk fyrir sig í "gamla daga".

8 og 9 ára byrjuðu á þemanáminu sínu í vikunni og það heitir „Í þá gömlu góðu daga“.  Í tilefni af því fórum við á Árbæjarsafn í gær og gekk ferðin vonum framar. Kalli tók á móti okkur og fræddi um alla króka og kima safnsins. Við fengum að kynnast brunanum stóra í Reykjavík um 1915, allar gömlu byggingarnar og gamla muni sem börnin voru mjög áhugasöm um. Við munum vinna mikið út frá ferðinni og vonandi gefast kostur á að fara aftur síðar. 

Skólasetning Krikaskóla fór fram föstudaginn 17. ágúst 2012.  Börnin komu ásamt foreldrum sínum til að hefja nýtt skólaár.  Gleði, spenna og smá kvíði fylgir með en yfirhöndina á yfirleitt ánægjan yfir að hitta aftur góða vini og félaga.  Umsjónarkennarar eru Svava Björk, Sigríður Ásdís og Andrea Anna með 6 og 7 ára börnin og Margrét Lára og Sigríður Helga með 8 og 9 ára börnin.

Nú eru grunnskólar bæjarins að hefja störf að nýju og fjöldi skólabarna er nú að hefja skólagöngu í fyrsta sinn og því að feta sín fyrstu sín fyrstu skref í umferðinni ein síns liðs. Mosfellsbær beinir þeim tilmælum til ökumanna að fara að öllu með gát og gæta sérstaklega að litlum einstaklingum sem eru að læra á umferðina. Einnig eru sem flestir hvattir til þess að fara fótgangandi í skóla