Fréttasafn

Haldin var aðalfundur foreldrafélags Krikaskóla hér í gærkvöldi.  Fáir foreldrar mættu til fundar en hægt var að kjósa nýja stjórn foreldrafélagsins, ásamt nokkrum árgangafulltrúum.  Eins völdust nýir fulltrúar foreldra í Skólaráð Krikaskóla.

Við biðjum alla að bregðast vel við óskum um fulltrúa í árgangaráð og eins ef einhverjir komust ekki á fund í gær en eru áhugasamir um að bjóða sig fram að gefa sig fram við Ágústu.

Komið er að síðasta Opna húsi Skólaskrifstofu Mosfellsbæjar þennan veturinn og verður það haldið miðvikudaginn 25.apríl klukkan 20:00 í Listasal Mosfellsbæjar.

Að þessu sinni heyrum við raddir ungs fólks í Mosfellsbæ. Ungir Mosfellingar ætla að segja okkur hvernig var að alast upp í Mosfellsbæ.

Nú stendur yfir menningarvika leikskóla Mosfellsbæjar. Börn af Kríu, Lunda og Fjallafinku mættu í Kjarna á mánudaginn og sungu nokkur lög með jafnöldurm sínum úr öðrum leikskólum. Í gær fóru uglubörn og í dag spóabörn og áttu þar saman gleðilega samverustund. Sýning á verkum leikskólabarnanna stendur yfir þessa vikuna. Öll Krikaskólabörn eiga verk á sýningunni. Um er að ræða dásamlega sýningu sem enginn Mosfellingur ætti að láta framhjá sér fara.

Hin árlega menningarvika leikskóla Mosfellsbæjar verður dagana 13.-18. apríl n.k. í Kjarna. Öll börn í leikskólum Mosfellsbæjar hafa verið að vinna listaverk sem verða til sýnis í kjarnanum. Sýningin gefur innsýn í það frábæra, fjölbreytta og metnaðarfulla starf sem unnið er í leikskólum bæjarins.

Í dag fóru Krikaskólabörn í 3. og 4. bekk í heimsókn í Varmárskóla. Jafnaldrar þeirra í Varmárskóla tóku á móti þeim af mikilli gestristni. Börnin áttu saman yndislegan dag.

Sjá má skemmtilega myndir úr heimsókninni á heimasíðu Varmárskóla http://www.varmarskoli.is/Myndasida? undir Krikaskóli í heimsókn.

Starfsfólk Krikaskóla óskar öllum börnum í Krikaskóla, foreldrum þeirra og fjölskyldum gleðilegrar páskahátíðar.

Innritun 6 ára barna sem hefja grunnskólagöngu haustið 2012 -2013 fer fram frá 1.-18 mars og skulu nemendur sækja grunnskóla eftir búsetu. Innritun fer fram í gegnum Íbúagátt. Innritun skólaskyldra barna og unglinga sem koma úr Krikaskóla, flytjast til Mosfellsbæjar eða koma úr einkaskólum þarf að fara fram fyrir 1. apríl

Í dag komu börn úr tónlistardeild Listaskóla Mosfellsbæjarásamt kennurum sínum  í heimsókn í Krikaskóla og héldu dásamlega tónleika.

Föstudaginn 24 febrúar klukkan 14:00 verður haldinn starfsmannafundur í Krikaskóla. Þess vegna viljum við góðfúslega biðja foreldra um að sækja börnin sín í skólann tímalega fyrir klukkan 14:00 þann daginn.

Í dag er bóndadagur og í því tilefni var haldið þorrablót í skólanum. Börnunum var boðið upp á íslenskan þorramat.