Fréttasafn

Fræðslu- og frístundasvið Mosfellsbæjar býður alla velkomna til að hlusta á Unni Valdemarsdóttur fjalla um mikilvægi öruggra tengsla. Unnur er leikskólasérkennari og fjölskyldufræðingur og miðlar góðum ráðum sem miða að því að efla örugg tengsl milli foreldra og barna.

Fyrirlesararnir Anna Lind Björnsdóttir og Pálína Ósk Hraundal hafa tileinkað sér auknar útistundir fyrir sínar fjölskyldur í hversdagsleikanum.

Föstudaginn 19 október er vetrarfrí hjá börnum í 1-4 bekk í Krikaskóla. Frístundin er opin fyrir þá sem skráðir sérstaklega þann dag. Mánudaginn 22 október er starfsdagur í Krikaskóla, þá er skólinn lokaður. Hvorki leik- né grunnskólabörn koma í skólann þann dag.

Sameiginlegur Fræðsludagur leik- og grunnskóla Mosfellsbæjar verður næstkomandi mánudag 24. september. Starfsmenn sækja þá fræðslu og endurmenntun. Krikaskóli er því lokaður og engin börn koma í skólann þann dag.

Boðað er til kynningarfundar fyrir foreldra barna í Krikaskóla.

Skólasetning grunnskólabarna er fimmtudaginn 16.ágúst kl.09:00. Þegar búið er að setja skólann tekur við hefðbundinn skóladagur.

Betri svefn – grunnstoð heilsu Miðvikudaginn 4. apríl er komið að síðasta opna húsi vetrarins. Að þessu sinni verður fyrirlesturinn haldinn í Krikaskóla og hefst kl. 20:00 Á opnum húsum er lögð áhersla á hagnýt ráð varðandi uppeldi og samskipti við börn og unglinga. Ráð sem foreldrar, systkin, amma og afi, þjálfarar, kennarar og allir þeir sem koma að uppvexti barna og unglinga geta nýtt sér. Í þessum fyrirlestri verður fjallað um mikilvægi svefns fyrir andlega og líkamlega heilsu með sérstökum áherslum á svefn meðal barna og unglinga. Fyrirlesari er Dr. Erla Björnsdóttir. Erla er sálfræðingur sem hefur sérhæft sig í rannsóknum og meðferð svefnvanda og gaf núverið út bókina Svefn. Erla vinnur við rannsóknir á svefni við Háskóla Íslands og rekur Sálfræðiráðgjöfina þar sem hún aðstoðar fólk sem glímir við svefnvanda

Sókn í upplýsinga- og tæknimálum í skólum Mosfellsbæjar Haustið 2017 hófst vinna við að undirbúa sókn í upplýsinga- og tæknimálum í leik- og grunnskólum Mosfellsbæjar. Sú vinna byggir á niðurstöðum vinnu með kennurum vorið 2017 sem kölluð hefur verið Vegvísirinn. Vegvísirinn er eitt af leiðarljósum fræðslu- og frístundasviðs í þeirri umbreytingu á tækniumhverfi grunnskólanna sem nú stendur yfir. Í Vegvísinum koma skýrt fram óskir frá kennurum um endurskoðun fyrirkomulags á upplýsinga- og tæknimála skólanna.

Litli skiptibókamarkaðurinn fer fram í Bókasafni Mosfellsbæjar lau. 13. jan. kl. 14–16. Börnum á aldrinum 6 – 12 ára er boðið að koma með gömlu bækurnar sínar sem þau eru hætt að lesa og velja sér aðrar í staðinn.

Krikaskóli er opinn 28. og 29. desember - fyrir leikskólabörn og þau grunnskólabörn sem sótt var um fyrir í jólafrístund.