Fréttir eftir árum

Á tímabilinu 8. júlí og til og með 5. ágúst er gert ráð fyrir að starfsemi leikskóla Mosfellsbæjar verði sameinuð í leikskólanum Hlaðhömrum. Þangað færast þá börnin með starfsmönnum Krikaskóla eins og fjöldi barnanna gefur tilefni til.

Mikilvægt er að vita í tíma hvenær barnið/börnin fara í sumarleyfi og því eru foreldrar beðnir að fylla út sumarleyfiseyðublað og afhenda deildarstjóra viðkomandi deildar eða hjá ritara fyrir 22. mars.

Biðjum alla foreldra að fylgjast með veðurspá morgundagsins fimmtudagsins 7. mars 2013.  Gert er ráð fyrir slæmu veðri en á vef Veðurstofu Íslands er eftirfarandi viðvörun nú kl. 14:00. Búist er við stormi eða roki (meðalvindhraða meiri en 23 m/s) S- og V-til á landinu í dag og syðst á landinu á morgun. Gildir til 07.03.2013

Foreldrar meta hvort þeir senda börn sín í skóla. Skólinn verður opinn skv. viðbúnaðarstigi 1 nema annað verði tilkynnt í fjölmiðlum.  Nokkur vandi skapaðist vegna erfiðleika starfsmanna við að komast til vinnu í Krikaskóla vegna færðar miðvikudaginn 6. mars 2013.  (Sjá lesa meira)

Eftirfarandi  tilkynning hefur verið send til foreldra skólabarna og starfsmanna skóla á höfuðborgarsvæðinu:

Börnin ykkar eru örugg í skólunum.  Vinsamlegast reynið ekki að komast til þess að sækja þau fyrr en lögregla hefur gefið út tilkynningu þar að lútandi.

Allir björgunaraðilar á svæðinu eru á ferðinni og einkabílar í umferðinni eru til mikilla trafala við björgunarstörf.

Foreldrum er bent á að kynna sér viðbragðsáætlun vegna röskunar á skólastarfi sökum óveðurs, hana má finna með því að smella hér íslenska, pólska, enska, spænska og tælenska.

Forráðamenn skulu þó meta ef um óveður er að ræða hvort þeir senda börn sín til skóla eða ekki. Undantekningarlaust skal þó hringja á skrifstofu skólans og tilkynna ef forráðamenn ákveða að hafa börn sín heima.

Í síðustu viku var Listaskóli Mosfellbæjar með opna viku í skólanum og að því tilefni voru haldnir tónleikar í salnum í Krikaskóla.

Ýta á Lesa meira til að sjá fleiri myndir

Í nýjum aðalnámskrám leik- og grunnskóla er horft til 6 grunnþátta í skólastarfi sem eru læsi, sjálfbærni, heilbrigði og velferð, lýðræði og mannréttindi, jafnrétti og sköpun.

Á Opnu húsi Skólaskrifstofu Mosfellsbæjar miðvikudaginn 27. febrúar verður sjónum beint að sjálfbærni

Sjá auglýsingu (.pdf)

Nú eru mörg börn í Krikaskóla veik og því er gott tækifæri að minna á reglur þar um. Hér í Krikaskóla tökum við mið af reglum sem settar voru í Öryggishandbók Mosfellsbæjar fyrir leikskóla.
Mikilvægt er að við tökum höndum saman til að koma í veg fyrir áframhaldandi smit eins og mögulegt er. Reglurnar eru settar m.a. til að vernda þau börn sem ekki eru veik fyrir smiti.
Við höfum einnig þróað okkar vinnureglur í skólanum s.s. varðandi inniveru eftir veikindi eins og sjá má í meðfylgjandi reglum.  Ýta á Lesa meira til að sjá reglurnar.

Kæru foreldar

Fimmtudaginn 21.febrúar 2013 frá kl.20:00-21:30 boðar Þrúður Hjelm skólastjóri ykkur til fundar til að eiga samtal um nám barnanna í Krikaskóla og það samstarf sem er á milli skólans og Varmárskóla. Allar ábendingar foreldra eru vel þegnar og liður í þróun nýs skóla. Við bjóðum ykkur því velkomin til skrafs og ráðagerða um málefni skólans og þar með barnanna okkar. 

Næsta föstudag þann 22.febrúar verður starfsmannafundur kl.14 í Krikaskóla. Börnin þurfa að vera sótt fyrir þann tíma.

Á öskudag birtust allskyns furðuverur hér í Krikaskóla og gerðu sér glaðan dag. Þeim kom afar vel saman og slógu upp hverju ballinu á fætur öðru með tilheyrandi poppslætti.

Ýta á Lesa meira til að sjá fleiri myndir.