Fréttir eftir árum

Næsta föstudag þann 13.september verður starfsmannafundur kl.14 í Krikaskóla. Börnin þurfa að vera sótt fyrir þann tíma.

Frístundaakstur á milli Krikaskóla og Lágafellsskóla er hafinn. Aksturinn er vegna samstarfs frístundar og Aftureldingar. Börn sem sækja íþróttaæfingar eftir skóla geta nýtt sér þessar ferðir. Bíllinn stoppar við íþróttahús Varmárskóla á leið sinni í Lágafellsskóla. Aksturstímana má sjá hér.

Bæjarhátíð Mosfellsbæjar, Í túninu heima, er um næstu helgi. Í tilefni litaþema hverfanna væri gaman ef börnin kæmu í fötum í þeim litum sem þeirra gata tilheyrir eða einhverjum af þessum fjórum litum, þ.e. gulur, rauður, blár eða bleikur. Krikaskóli tilheyrir bleika hverfinu og verður skreyttur í þeim lit.

Miðvikudaginn 21.ágúst kl.20 verður kynningarfundur fyrir foreldra barna í Krikaskóla. Fundurinn hefst í matsalnum kl 20:00. Þá verður stutt kynning á hugmyndafræði skólans og öðrum þáttum sem varða skólastarfið í heild. Eftir það bjóða deildastjórar og umsjónarkennarar foreldrum til kynningar á hverju hreiðri fyrir sig þar sem þeir kynna starf vetrarins.

Föstudaginn 16.ágúst er fræðslu og skipulagsdagur í Krikaskóla. Þann dag koma börnin ekki í skólann né í frístund. Starfsfólkið fær námskeið og skipuleggur starfið framundan.

Óskað er eftir íþróttakennara til starfa í Krikaskóla.  Viðkomandi þarf einnig að sjá um sundkennslu. 
Íþróttakennari Krikaskóla tekur þátt í starfi með fjölbreyttum aldri barna og kemur einnig að öðrum störfum með börnum. 

Föstudaginn 5. júlí lokar Krikaskóli vegna sumarleyfa. Mánudaginn 8. júlí opnar sumarleikskólinn að Hlaðhömrum fyrir þau börn sem þar eru skráð. Þriðjudaginn 6.ágúst opnar aftur í Sunnukrikanum. Í ágústmánuði stækkar hópur tveggja ára barna í skólanum sem byrjar í aðlögun á tímabilinu frá 8. ágúst til 31. ágúst.
Skólasetning verður mánudaginn 12. ágúst. Þann dag hefst bæði skóli og frístund. Opið er fyrir umsóknir í frístund á íbúagáttinni, eldri umsóknir hafa fallið úr gildi og því þarf að sækja um fyrir öll börn sem verða í frístundinni næsta vetur.

Krikaskóli er leik- og grunnskóli fyrir börn á aldrinum 1-9 ára og starfsemin tekur mið af skólastefnu Mosfellsbæjar um heildstætt uppeldis- og skólastarf í leik- og grunnskólum.  Umsækjendur eru hvattir til að kynna sér skólastefnu skólans á heimasíðu hans áður en þeir sækja um starf. Skilyrði fyrir ráðningu í Krikaskóla er að viðkomandi hafi ánægju af börnum í öllum sínum fjölbreytileika, hafi ríka samskiptahæfni í hröðu og lifandi umhverfi skólastarfsins og eigi auðvelt með að taka ábyrgð á sjálfum sér. Lausar stöður má sjá undir Lesa meira.

Eins og kunnugt er stendur Mosfellsbær á tímamótum varðandi nýjar skólabyggingar fyrir leik- og grunnskóla.

Af því tilefni býður Skólaskrifstofa Mosfellsbæjar íbúum bæjarins og þeim sem nær standa skólasamfélaginu til samráðs um skóla og skólabyggingar í nútíð og framtíð.

Haldinn verður fundur í Varmárskóla eldri deild, laugardaginn 25. maí, kl. 10 – 12.
Boðið verður upp á morgunkaffi kl. 9:30.